حرام انعيش في نفس الزمن وقلوبنا اغراب

يا جرح!!..يا ابن الجرح!!
ماهو بكافي؟!! خلاص
....متى تفكر تعتق الصدر يا جرح ؟!
معجبْك لأنه من لضى البعد دافي؟!
....معجبك لأنه مـ اثلجه يوم هالفرح؟!
تسرق سنيني وتستبيح الخوافي
.كلما جمعت بخافقي تبتدي الطرح
ليه الفرح يلقى بصدري منافي ؟!
بنيت من دمعي لهذا الحزن صرح؟!
قلي ش بقى لي داخلي؟!رد!! غافي؟!!!
عمري قضى أوجاع محتاج للشرح
مرتاح ؟!! جاوبني؟!ابي رد شافي؟!
ترضى تكون الصدر وآصير انا الجرح ؟!!

كم كنت اجي وبداخل عيوني اعيون
مبحر بمركب فرح محتاج شطآن
وارجع من أول ساحلك بس مغبون
وابكي الين آحس بالدمع ضميان
كل شي تخيلته معك يمكن يكون
ومهما شطحت بفكري فـ بعض الاحيان
ما مر في بالي اباعيش من دون
صوتك يناغي مسمعي..آآآه ..كم كان
لو تسألي ضلوعي علي ايش يبكون؟!
لي غرهدت كل القوافي والاوزان!!
اعزف على صدر الورق نغمة التون
وتجاوب اسطور العمر ايه يا دان !!
يصير؟!
معقول؟!
كيف؟!ممكن ؟!
او شلون؟!
تنبت على شفّتك أنياب واسنان؟!
عضي علي حلمٍ حملته وبالهون
لا تبتري عرقً تلعثم بك إزمان

تمنّيتك ..
تمنيت..
ونسيت ....
ان البشر...مدري؟!!
كثير تْموت امانيها ..
وتوادعنا ..
ومات الامل كله ..
واتمتم لي ..
وداعيه يا اخر ليله تجمعنا .. انا مسافر
صرخت وقلت له .. تكفّى دخيلك لا تغنّيهاوغنّاها
...وكان الدمع في لحظات متوافر
وليله ليتها ما تعود يا مقسا لياليها ..

انا جيتك
وباقي في حنايا طعنتك محراب
تصلي لك جروحي
مْن الوجع وتصيح : يا يابه
حرام انعيش في نفس
الزمن وقلوبنا اغراب
تعال وخل يقول البعد من غيضه
لقى احبابه
ترى توي اكتشفت المسأله ..
ماهي وش الاسباب؟!
لان ما يعني الميّت ؟!!
اذا بيموت بثيابه

ما بيك تزعل
علي ولا تواخذني
شربت مر الغياب وقهوتي نارك
كم قلت: محتاج لك؟!
..وشلون تخذلني؟!
وانا الوحيد الذي ما باح بـ اسرارك!!
انا جمعتك بصدري
وانت( ت ن ث ر ن ي)
وكل ما اعذلوني
بحبك كنت أختارك
ذبحت لك حلم عمري
لجل تسهرني
وخليت دمع القهر واقف
على اسوارك

يعطيك الف عافيه على المسجات
وفي انتظار طرحك المميز
تحيتي / Boon