موضوع: أيام زماااااااااااان الأحد فبراير 10, 2008 5:44 pm
أيااام زماان واليوميــــــــات...
صبحكم الله بالخير ياأهل العمال العماليه ..................................... مساكم الله بالخير ياأهل العمال العماليه ماتعطونا بنتكم الحلوه الجميله ........................................ مانعطيكم هيا الإ بالف وميه ندخل على دياركم ونكسر أبوابكم .................................................. .... وهذي عروستنا
أعتقد كل شخص فوق الـ 15مر على هذا العصر .. واللي مامر على هالعصر لايكمل يقراء الموضوع علشان برستيجنا مايهتز
هالزمان راح أقسمه لأيااااام .. علشان تعيشو الجو
أياام الكشخه
الكشخه فينا تلبس الطوق والبكله والشراب القصير أبو كشكش وحاطه من الروج الأخضر السحري 'اللي بعد خمس دقايق يقلب أحمر .. كأنها مصاصه دماء .. ' ماعاد الشكل يصير برئ هي وهذا الروج
واللي تلبس الفستان المكسره 'اللي من تحت مليان جيبون' اللي حزام الفستان يسحب بالشوارع وله كتافات أسفنجيه عاليه الجوده
وماننسى طبعاً مبدا الزي الموحد عند العائلات .. ثنين ولاثلاث من البزارين لازم طقم
اياااااام البقاله
الوحده منا تركض للبقاله بقميصها القطن 'اللي شاريته لها أمها من البياعه اللي تجي عند بابهم ' تشتري ببسي أبو كيس <-- بنص ريال .. وتشتري معه البسكوت الأخضر اللي بالموز <-- الله يكرم النعمه
ولا أيسكريم أربعه بواحد ابو ريال 'البرتقالي - والأحمر - والأخضر - والأصفر' اللي يتقاسمونه ورعان البيت كلهم ...ويحظها لو صارت العلبه لها لحالها يقعد ثلاث ايام بالثلاجه وهي تلط منه
أياااااام التصرفات الهمجيه
حدث ولاحرج .. مدري عاد هالتصرفات توارثتها الأجيال ولا لا
بقلوب صافيه كنا نزعل ونرضى من اللي زعلنا بسرعه بس شرط أساسي أصبعه الخنصر لازم يتصالح مع أصبعي أنا <--
لا بس هذي تهون عند طريقه الحلف ' لاحول ولاقوه الأ بالله ' حط أصبعك في فمك ولازم يمتلي الأصبع من السعابيل وبعدين امسح فيها حلقك .. الحين تصير صادق <-- الصراحة ما كنت اسويها خخ
أما اللي بيعلم أنه كذوووب يمد لسانه ويطير لسانه بأصبعه <--- ماأعتقد اني وفقت بهالشرح
أياااااام التلفزيون السعودي
طوووووووووووووووووط <-- فجرت أذانيكم صح ... والشاشه الملونه ... ولا ترن تن تررررن ترررن <-- هذي النغمه لمى يحطون شاشه الساعه .. ومن تجي الساعه عشر .. تبدا أفلام كرتونهم الماصخه
أنا أذكر بشار اللي ضيع أمه والدببه اللي بمدينه النخيل وحبيب قلبي الليث الأبيض <-- ماني بصاحيه كنت أحب الحيوانات مو الأوادم .. بس تطورت وحبيت روبن هود وزورو وهايدي وسالي .. هذا التطور يمكن على اخر ايام الأبتدائي
وصرت أتابع أفتح ياسمم .. وبدر وأنيس .. ياحبي لهم
-- الحمد لله والشكر من بعد شخصيات الكرتون .. صرنا نحب أنيس
وبعد هالتطور صرت أتابع برنامج أطفال القصيم وأطفال المدينه وأغانيهم
لا والأفلام الهنديه .. اللي كانو يجيبونها على القناة الثانيه ... مرررره خطييييييييييره....
متى يجي بابا يجي الساعه سته راكب ولا ماشي راكب باسكيلته حمرا ولا بيضا بيضا زي القشطه
-- الله يقطع ابو ثقالة الدم
سويره راحت البر تجيب العيش الأخضر واتحطه بالصواني على جية خوالي خوالي يا دلالي
أياااام المدرسه :
أول يوم دراسي .. والكرتون الكبير اللي يجيبه ابوي من المكتبه وكلها محتوياته من ذوووقه ' درزن دفاتر أبو ثمانين ولا ستين _ فروووخ لتجليد الدفاتر _ برايه أم مرايه وأشياء لاتعد ولاتحصى .. ويجي دور الهجوم على الغنائم <-- أول مره يشوفون شي جديد
لا والسلام الملكي حق المدرسات .. من تدخل المدرسه الكراسي والطاولات يبغوا ينحاشوا من اصوات البنات ' شرفتينا ونورتينا ياابله نوره ...... نوره ياعيوني ياللي لابسه اليموني لابسه الساعه اللماعه تسوى كل الجماعه
أيااااام الممنوعات
كان الأتاري من ضمن الممنوعات في بيتنا .. أو بمعنى أصح مايجي من نفسه لازم له طراره من البزارين علشان يسمح له دخول منزلنا ..
كان الميك أب عيييييب
بس أزين شي ان طلعت الشارع عادي
كانت فيه أشياء كثيره ممنوعه بوقتها ... كل ماأذكر أني أصيح لمى يرفضونها أحس ان البراءه بتشقق بعضها
ملحوووظه
* واللي مامرت عليه هالأشياء ولا عاصرها .. لايتفلسف هنآأا ..
* واللي من ربعنا وجيلنا يشارك بذكرياته العجيبه معنا
عـــــــيون الريم .
عدد الرسائل : 10658 المزاج : الوسام : تاريخ التسجيل : 26/12/2007
موضوع: رد: أيام زماااااااااااان الأحد فبراير 10, 2008 6:04 pm
موضوع: رد: أيام زماااااااااااان الأربعاء فبراير 13, 2008 4:10 pm
ميس الريم مشكووره حبيبتي
على توااجدك الحلووو
نـــورتي يالغلا
وردة النرجس .
عدد الرسائل : 168 العمر : 27 المزاج : sms :
تاريخ التسجيل : 10/02/2008
موضوع: رد: أيام زماااااااااااان الجمعة فبراير 15, 2008 1:36 am
ههههههههههههههههههههههههههه والله مامريت على الاشياءهدي ابدا
لا بس هذي تهون عند طريقه الحلف ' لاحول ولاقوه الأ بالله ' حط أصبعك في فمك ولازم يمتلي الأصبع من السعابيل وبعدين امسح فيها حلقك .. الحين تصير صادق <-- الصراحة ما كنت اسويها خخ أنا مسويتهاطول عمري
