¨°o.O (منتديات الريم ) O.o° - مقارنه بين عيال الهاي و عيال الحاره (تفجييير الضحك اذا انت)

أطفال الناس الهوامير : في الصباح حيث يبدأ يوم اطفال الهاي عندما يستيقظ على صوت الكناري اللي بغرفته بعدها يتوجه للحمام يتروش ويفرش اسنانه ويطلع من الحمام تستقبله المربيه بالمنشفه وتصبح عليه يروح يغير ملابسه
وياخذ شنطته وينزل لغرفة الطعام ويصبح على أمه وأبوه وأحلى بوسه يأخذها منهم ويفطر ذاك الفطور طبعا عباره عن :
كورن فلكس وبيضه وحده بس!! وكاس عصير وشويت زبده مع العسل على خبزه
بعدين يقوم يغسل فمه ويودع الماما والبابا ويتوجه للسياره يلقى قدامها السواق مبتسم ويفتح له الباب ويوديه
لمدرسته الخاصه
ورعان الحارة :
يقوم الصبح بعد ما يطلع عين أهله ولازم أفراد العائله تمر عليه عشان تصحيه وكل واحد وطريقته:
الاب:قم جعلك الهزل
الأم:قم جعلك الجدري
الأخ: والله اذا ما تقوم لافقع وجهك
بعد ما يقوم يمرالحمام على السريع ويغسل وجه شطف هذا<< إذا راح >> وبعدين يأخذ اقرب كتب عنده ويربطها ويجيك يدور الفطور و يتفاجأ أنهم ما حطوه؟؟
بعد ما يجي الفطور وهو كالعادة : فول عدس+ حليب أبو علم يبدأ الورع بالأكل وشوي إلا وهو حاذف أخوه بعلبة الهندسة؟؟؟
عشانه سحب صحن الفول من عنده<مسكين ما يطوله> وشوي إلا وهو مسدد بكس عنيف
يمشي 200 لأخوه الثاني!! لأنه سرق رياله ؟؟ أبوه يتكلم معه يا ورع أركد وافطر وعين خير أنت وش بلاك وراك
مدرسه يرد الورع عليه: انت ما تشوف سعيدان سارق ريالي؟؟
<< سعيدان اكبر حرامي بالبيت >>
سعيدان حصل له كم من كف من الوالد , المهم بعد ما يخلص الفلماليومي يروح الولد للسيارة يلقى أخوه فاتح
الكبوة ويصب ماء للرديتر المشقوق تقفل أخلاق الورع وينقز للشارع ويأشر لأقرب سيارة ويروح للمدرسة
<< أكيد حكوميه >>
أطفال الناس الهوامير : بعد المدرسة يرجع اطفال الهوامير ويلقى المربيه في استقباله تاخذ الشنطهوتوديها لغرفته بصحبته يغير ملابسه
ويغسل وجهه ورجليه ويستريح له ساعه فيانتظار أفراد العائله عشان يتغدى وبعد الغداء الرايق << طبعا ما اعرف
وشو بس اللي اعرفه انهم ياكلونه بشوكه وسكين ..
يروح لغرفة الجلوس ويشرب شاهي للتهضيم ويحلي بقطعة كيك وبعدين يروح لغرفته ينام له ساعه قبلالعصر.
ورعان الحارة:يجي من المدرسه وثوبه قالب لونه بني<< تقول جدار مدرسه >> ولا دخل البيت رمى الشنطه
بالصاله وفصخ ثوبه ووينك يا الشارع << خويانه يستنونه >> لعب الكوره بذا القايله وعادي الشارع مولع من الحر وهم عادي مررره
ولا كأنه فيه شيء واهله ما يدرون ؟؟
في هذه الأثناء يرسل لابوه كتيبه من إخوانه للبحث عنه ولا لقوه وجابوه للبيت قام يصيح طقوني وسحبوني قدام الناس << والله ما أحد لمسه النصاب>>
المهم يحطون الغداء << معروف يا كبسة لحم ولا كبسة دجاج >> غيره ما فيه!! يتغدى الورع الكريم
ويصــــــــــــــــــك بعدها لتر للبن و ينثبر مكانه
أطفال الناس الهوامير :اطفال الهوامير لا جاء العصر جابوا دروسهم وشافوا وش عليهم من واجبات وحلوها وحضروا دروس بكره بمساعدةالماما والبابا.
بعدها يروح لغرفة الألعاب ويجلس على البلاي ستيشن 3 وخذ لعب لمدة ساعتين تقريبا يعني إلى المغرب
بعدها تطلبه امه مع بقية أخوانه عشان يجتمعون ويشربون العصير ويسولفون سوالف مررررررررررره حلوه
ورعان الحارة :يجي وقت العصر وهو نايم << مفعول اللبن >> يقوم قبل المغرب وياخذ دروسه وواجباته << وأقلامه ناسيها في درج الطاوله اللي بالمدرسه>>
ويروح عند أخته ويتحايل عليها بكل ما أوتي من قوه على شان تحل له الواجبات واذا قالت لا
يا ويلها يا سواد ليلها بعد
كذا أنواع الازعاج مع ورعان الحاره ومن هم على شاكلته ما يخلون هندي الا وسرقوا سيكله ولا بقالة
>> الا وخربوها >>> ولا يرجع البيت الا على الساعه 11 تقريبا >> تلقى راسه مفلوق من جميع الاتجاهات
والشرطه تدوره وجارهم مسوي أعلان عليه مطلوب حي أو ميت!! وخذلك عاد
<< مساكين اهله >>
أطفال الناس الهوامير :أطفال الهاي بعد ما يتعشى ويمسي على اهله يروح لغرفته ويجلس على النت ساعه أو ساعتين الى موعد نومه
<< الساعه 10 تقريبا >> بعدها يغير ملابسه وتجي المربيه وتحكي له قصه اللين ينام تغطيه وتطفي النور.
ورعان الحارة :لا رجع البيت<< الساعه 11>> مايدخل مع الباب لا ينط من فوق السور على شان ابوه ما يمسكه .
وعلى طول لغرفته ويسكر الباب ويطفي النور ويطل من الشباك على باب الشارع
الرئيسي يشوف وش صار على مسلسل المشاكل المكسيكي اللي جابها معه للبيت وكيف بيحلها ابوه مع الناس
ومع جارهم ومع الشرطه وفي أثناء ذلك يستغل الفرصة ويفز للمطبخ وياخذ منه
جبن << جبنة البقره الضاحكه >> وخبز ويرجع لوكره<آسف غرفته> ويقفل الباب
ويتعشى من ذا الجبن والخبز اللين يدوخ <<على الساعه3>> لا وأزيدكم من الشعر بيت ما ينام الا وهو متلطم!!!؟؟؟ << على باله مراقب >>
ارجو انه يعجبكم

اكيد موضوع مميز

بس هذا الوقع الى صاير

بس في الزمن مافي احد احسن

من احد كلنا اوالالد ناس والمفروض

يتعلمو ع النظام والاحترام

اذا الطفل من صغر سنه هزاته

بيكبر وهو يعند والكل مايحب

هذا الاسلوب عامل الناس

بما تحب ان يعملوك به

مشكورين يعطيكم الف عافيه

_________________

ههههههههههههههه
من جد احنا كنا نسوي أعضم يجلسون البيت كلهم ويالله نقوم من النوم

بس دكرى حلوه
يسلموا دكرتنا بأيامنا الحلوووه

ههههههههههه
موضوع مميز
_________________
تــــــــــــــــحـــــــــــــــــــيـــــــــــا تـــــــــــــــــــــي امــــــــيـــــــــــر الـــــــــرــيـــــــــــم